25. Kjördæmisþing KFNV

12.-13. apríl 2025 –

Boðað er til 25. Kjördæmisþings Kjördæmissambands Framsóknarmanna í Norðvesturkjördæmi (KFNV) dagana 12.-13. apríl að Dæli í Víðidal. Þingsetning er kl. 13.00 laugardaginn 12. apríl. Þinggjaldið er kr. 1.500,- Formenn aðildarfélaga eru hvattir til þess að huga að því að manna kjörbréf fyrir þingið og gott væri að áhugasamir félagsmenn myndu tilkynna sig til þeirra.

Drög að dagskrá:

Laugardagur 12. apríl 1. Setning og kosning starfsmanna þingsins 2. Skýrsla stjórnar og reikningar lagðir fram 3. Umræður um skýrslu stjórnar og reikninga 4. Ávörp gesta 5. Almennar stjórnmálaumræður Kaffihlé 6. Kosningar: a. formaður KFNV b. sex fulltrúa í stjórn KFNV og sex til vara c. formann kjörstjórnar d. sex fulltrúa í kjörstjórn e. fulltrúa KFNV í miðstjórn, aðal- og varamenn, skv. lögum flokksins f. tvo skoðunarmenn reikninga g. þrjá fulltrúa í launþegaráð og þrjá til vara Þinghlé Hátíðarkvöldverður og almenn gleði! Sunnudagur 13. apríl 7. Nefndarstörf 8. Afgreiðsla ályktana 9. Önnur mál 10. Þingslit

***

Starfsnefnd hefur verið skipuð fyrir kjördæmisþing KFNV og er hlutverk nefndarinnar að taka á móti tillögum um frambjóðendur til trúnaðarstarfa á vegum KFNV sem kosið verður um á þinginu. Starfsnefndina skipa: Guðjón Ebbi Guðjónsson, 7711220, Steinunn Guðmundsdóttir og Garðar Freyr Vilhjálmsson. Þau embætti sem kosið verður um á þinginu skv. lögum KFNV eru: • formaður KFNV • sex fulltrúa í stjórn KFNV og sex til vara • formann kjörstjórnar • sex fulltrúa í kjörstjórn • fulltrúa KFNV í miðstjórn, aðal- og varamenn, skv. lögum flokksins • tvo skoðunarmenn reikninga • þrjá fulltrúa í launþegaráð og þrjá til vara *** Gisting – Ferðaþjónustan Dæli í Víðidal: – bókanir fyrir gistingu á netfangið: daeli@centrum.is eða í síma 864-2566 • Eins manns herbergi með morgunmat: kr. 16.000 • Tveggja manna herbergi með morgunmat: kr. 18.000 Veitingar – á þinginu: • Boðið verður upp á kaffi og með því á laugardag. • Í kvöldverð verður dýrindis lambalæri, borið fram með fjölbreyttu meðlæti. Til að ljúka kvöldinu með sætu og ljúffengu bragði verður crime buleé í eftirrétt. Kvöldverðurinn er á kr. 5.500,- á mann.

Úr lögum KFNV um kjördæmisþing:

2.  Um kjördæmisþing. 2.1  Kjördæmisþing hefur æsta vald í málefnum KFNV. Á kjördæmisþingi skal marka stefnu sambandsins og taka ákvarðanir um málefni þess, skipulag og fjárreiður. Reikningsár sambandsins skal vera almanaksárið. 2.2  Stjórn KFNV skal boða til reglulegs kjördæmisþings fyrir 15. apríl ár hvert og að minnsta kosti einn upplýsingafund, með þingmönnum kjördæmisins á hverjum þingvetri. Til þingsins skal boða með a.m.k. 15 daga fyrirvara. Í þingboði skal getið dagskrár og hafi komið fram tillögur að lagabreytingum skulu þær fylgja fundarboði. Kjördæmisþing er löglegt ef löglega er til þess boðað. Heimilt er að boða til auka-kjördæmisþings með styttri fyrirvara ef þörf krefur. Fundarefni skal þá auglýsa opinberlega. Eigi síðar en 15 dögum fyrir kjördæmisþing skal stjórn kjördæmissambandsins skipa starfsnefnd sem tekur á móti tillögum um frambjóðendur sem kosið verður um til trúnaðarstarfa. 2.3  Á kjördæmisþingi eiga sæti með atkvæðisrétt: a)  Einn fulltrúi fyrir hverja byrjaða 10 félagsmenn hvers aðildarfélags í kjördæminu. Þó aldrei færri en einn fulltrúi úr hverju sveitarfélagi á félagssvæðinu. Jafnmargir varafulltrúar skulu kjörnir. b) Aðalmenn í stjórn KFNV. c) Aðalmenn í miðstjórn Framsóknarflokksins sem búsettir eru í kjördæminu. Þá skulu allir félagsmenn Framsóknarflokksins í kjördæminu eiga rétt á að sitja kjördæmisþing með málfrelsi og tillögurétt. Einnig skal framkvæmdastjórn flokksins og framkvæmdastjóri hans eiga þar seturétt með málfrelsi og tillögurétt. Eigi síðar en 15 dögum fyrir kjördæmisþing skal stjórn kjördæmissambands skipa starfsnefnd sem tekur á móti tillögum um frambjóðendur sem kosið verður um til trúnaðarstarfa. 2.4  Á kjördæmisþingi skal kjósa í eftirtalin embætti: a)  Formann KFNV. b) Sex fulltrúa í stjórn KFNV og sex til vara. c) Formann kjörstjórnar. d) Sex fulltrúar í kjörstjórn. e) Fulltrúa KFNV í miðstjórn Framsóknarflokksins samkvæmt lögum hans. f) Tvo skoðunarmenn reikninga KFNV. 2.5  Að loknu hverju kjördæmisþingi skal stjórn KFNV senda skrifstofu flokksins skýrslu um störf sambandsins umliðið ár, upplýsingar um hverjir skipi stjórn og aðrar trúnaðarstöður á vegum þess, sem og afrit af skýrslum aðildarfélaga KFNV.  ... 5.  Um Launþegaráð. 5.1  Innan Framsóknarflokksins starfar launþegaráð. Hlutverk þess er að efla hlut launþega innan Framsóknarflokksins, vera til ráðuneytis um málefni launafólks og auka samstarf meðal þeirra framsóknarmanna sem starfa innan launþegahreyfingarinnar. 5.2  Á fyrsta reglulega kjördæmisþingi KFNV eftir alþingiskosningar skal kjósa 3 aðalfulltrúa og 3 varafulltrúa í launþegaráð Framsóknarflokksins. Kjörgengir í launþegaráð eru félagsmenn úr hópi launþegar í kjördæminu. Kjósa skal í einu lagi þannig að þeir þrír, sem efstir verða í kjörinu, skulu verða aðalfulltrúar og þeir þrír, sem næstir koma verða varafulltrúar.  Kjör launþegaráðsins gildir fram að fyrsta reglulega kjördæmisþingi sem haldið er að loknum næstu alþingiskosningum eftir að kjörið fer fram.  ***

STJÓRN KFNV